Fakta & Opini dari Berita Berbahasa Jawa

Namaning pawartos : Pawarta Ngayogyakarta

Sumber pawartos : Jogja TV

Tanggal kagiyarakaken : 20 Juli 2011

Wekdalipun : 19.00

A.1. Wacana pawartosipun :

            Ngancik tumapaking wulan siyam warga Desa Sruwi, Kecamatan Muso, Boyolali, Jawa Tengah dinten Rabu enjing ngadakaken upacara sadranan ing pasarean umum desa kasebat. Saklebete upacara sadranan menika warga sesarengan ngunjukaken donga kangge leluhuripun.

            Lampahing adat menika ajeg dipun adani saben wulan ruwah utawi ngancik tumapaking wulan siyam. Atusan warga betha sesaji kangge gendhurenan. Sasampunipun bersik pasarean salajengipun warga datheng ing pasarean kangge nyadran sesarengan. Sasampunipun dedonga sesarengan warga dahar kembul lan linton berkat. Lampahing upacara sadranan ing Desa Sruwi bedha kalih padhadhatipun awit warga nembe kemawon nampi pacobaan jalaran wedhi merapi awit saking menika kejawi dedonga kangge leluhuripun warga ugi dedonga kangge para korban wedi merapi. Sadranan mujudaken sesuci sakdherengipun mintakaken siyam.

2. Tembung angel :

Ajeg, kembul, linton berkat, mintakaken.

B. Sinten ingkang ngadakaken upacara sadranan ?

Wangsulan : warga Desa Sruwi ingkang ngadakaken upacara sadranan.

C. Wonten pundi kadadosipun ?

Wangsulan : kadadosipun wonten Desa Sruwi, Kecamatan Muso, Boyolali, Jawa Tengah.

D. Rikala punapa wekdalipun ?

Wangsulan : wekdalipun rikala Ngancik tumapaking wulan siyam.

E. Wosing pawartos :

Ngancik tumapaking wulan siyam warga Desa Sruwi, Kecamatan Muso, Boyolali, Jawa Tengah dinten Rabu enjing ngadakaken upacara sadranan ing pasarean umum desa kasebat. Saklebete upacara sadranan menika warga sesarengan ngunjukaken donga kangge leluhuripun.

F. 1.     Ukara ingkang kalebet fakta :

1. Ngancik tumapaking wulan siyam warga Desa Sruwi, Kecamatan Muso, Boyolali, Jawa Tengah dinten Rabu enjing ngadakaken upacara sadranan ing pasarean umum desa kasebat

2. Atusan warga betha sesaji kangge gendhurenan

3. Lampahing upacara sadranan ing Desa Sruwi bedha kalih padhadhatipun awit warga nembe kemawon nampi pacobaan jalaran wedi merapi awit saking menika kejawi dedonga kangge leluhuripun warga ugi dedonga kangge para korban wedhi merapi

2. Ukara ingkang kalebet opini :

1. Saklebete upacara sadranan menika warga sesarengan ngunjukaken donga kangge leluhuripun.

2. Lampahing adat menika ajeg dipun adani saben wulan ruwah utawi ngancik tumapaking wulan siyam.

3. Sasampunipun bersik pasarean salajengipun warga datheng ing pasarean kangge nyadran sesarengan

4. Sasampunipun dedonga sesarengan warga dahar kembul lan linton berkat

5. Sadranan mujudaken sesuci sakdherengipun mintakaken siyam.

G. Pamanggih dhumateng pawartos :

            Pawartanipun sampun sae amarga mujudaken warga ngormati tiyang ingkang sampun seda.