Menganalisis Tembang Pawiwahan Agung

Pawiwahan Agung

(Dening Aki Anor)

Sinawung ing Dhandhanggula

Rumpakan katur kang palakrami

Bendara Yudanegara putra

Ge-Ka-Er wah Ka-Pe-Ha-ne

Mangka dadya panuntun

Para mudha jaman samangkin

Tontonan myang tuntunan

Sakral adiluhung

Budaya Ngayogyakarta

Warisan istimewa saking wiyati

Linanggengna widada

Kukuh paheman – panganten sarimbit

Putra waruju Ha-Be Sedasa

Nyarirani wiwahane

Ing pawiwahan agung

Wolulas Oktober sewelas warsi

Slasa Wage arinya

Sedasa sing tabuh

Presiden lan bebahunya

Mblengket para pejabat wara kawuri

Andher pana mahargya

(Djaka Lodang No.26 . 26/11/2011)

Analisis

-          Guru lagu                    : i, a, e, u, i, a, u, a, i, a

-          Guru wilangan                        : 10, 10, 8, 7, 9, 7, 6, 8, 12, 7

-          Guru gatra                   : 10

-          Paraphrase saking tembang ing dhuwur yaiku

Pawiwahan agung nyaosi pirsa palakrami pawiwahan Bendara Yudanegara putranipun GKR lan KPH dadekake tuladha kangge para mudha jaman sakmenika. Pawiwahan menika tuladha ingkang suci adiluhung budaya Ngayogyakarta. Pawiwahan agung menika tabuh jam 10 ing dinten Slasa Wage, 18 Oktober 2011. Presiden, menteri, lan para pejabat sami rawuh kanthi mahargya.

-          Piwucal luhur ingkang saged kapendhet saking tembang ing dhuwur yaiku di dadekake manten supoyo ora ono rubeda.